Gedicht2018-07-17T19:10:26+00:00

de-witte-zwaan-2
“De Witte Zwoan”

Hier hedde stoan
De Witte Zwoan
Dat grote hotel.

Wait iet nog wel ?
Dei stoatege kroug
Midden in ’t loug.

De muren wit
’n Schure mit deurrit
En deel mit hengstestaal
Op Koudaipswaal.

Aan Zuudkaant ’n vranda
Mit gloazen deuren
In allerhande
Glène kleuren
Veur en opzied
’n Deur dei laaidde
Noar de jachtwaide
Mit biljart en tapkaast
En ronde toavel
Veur de stamgast.

Grote roamen gavven oetzicht
Op de Goldhoorn
Mit zien ploatsen en kampen koorn.

In hal ’n trappen
Noar de boven zoal
Mit rederiekerstoneel
Vergoaderroemte en dansdeel.

Hou voak wel zat ik nait
In jachtwaard
As der zitten was
Van boerenlainbaank
Veur mien klokje draank
Of op zoal op ’n feest aleer
’n Aigen dörpssfeer
Der tied is laank vergoan
De Witte Zwoan
Bestait nait meer
Allen het open stee
Is ’t loug
Wekt nog gedachtenis
Aan kastelains
De Boerenpot
En ’t lot van ’t ol café

Dichter oet ons loug:   D.S. Hovinga